Ynglŷn a i2i
Mae i2i yn brosiect Llywodraeth y Cynulliad sy'n rhoi cymorth i awdurdodau lleol, tenantiaid, staff a chynghorwyr yn y broses o gyrraedd Safon Ansawdd Tai Cymru (SATC).
Dyma brif feysydd gweithgarwch i2i:
- Cymorth gyda SATC – helpu tenantiaid, staff a chynghorwyr i gael gafael ar wybodaeth glir a chywir a manteisio ar gyfleoedd i gymryd rhan yn fwy.
- Materion Tai Ehangach – gweithio gydag awdurdodau lleol i gefnogi strategaethau tai lleol a rhanbarthol gan gynnwys darparu tai fforddiadwy, mynd i'r afael â digartrefedd, darparu tai â chymorth a mynd i'r afael ag anghenion unigolion a chymunedau o bobl dduon a lleiafrifoedd ethnig.
- SATC a Mwy – gwneud y mwyaf o'r cyfleoedd ar gyfer buddsoddiad lleol, budd cymunedol, hyfforddiant, swyddi a datblygu busnesau bach.
Er ein bod yn gweithio'n bennaf ym Mlaenau'r Cymoedd, mae i2i wedi ymrwymo i rannu ein gwaith gydag awdurdodau lleol a thenantiaid ledled Cymru.
