Fforwm rhannu ceir – telerau defnyddio

Dychweler i’r fforwm rhannu ceir

Nid clwb rhannu ceir mo fforwm rhannu ceir WHQ – dim ond ffordd o alluogi pobl i gyfnewid gwybodaeth ynglyn â rhannu ceir i deithio i ddigwyddiadau perthnasol yng Nghymru. Y gobaith yw y bydd pobl yn ei ddefnyddio i drefnu lifftiau gyda ffrindiau a chyd-weithwyr maent eisoes yn eu hadnabod sy’n teithio i’r un digwyddiadau. Fodd bynnag, gellir ei ddefnyddio i drefnu rhannu ceir gyda phobl nad ydych yn eu hadnabod hefyd.

Nid yw WHQ yn derbyn unrhyw gyfrifoldeb am gydweddu cynigion a cheisiadau am lifftiau. Ni fydd WHQ yn atebol ychwaith am:

ddiogelwch unrhywun sy’n cynnig neu sy’n derbyn lifft
methiant unrhyw drefniadau lifft

Awgrymwn y dylech, wrth gofnodi eich manylion ar y wefan, roi eich cyfeiriad ebost gan ddefnyddio’r gair ‘at’ yn hytrach na’r symbol @ - sy’n golygu llai o debygrwydd o dderbyn sbam. Gallwch hefyd gynnwys eich rhif ffôn os mynnwch.

Mae unrhyw un sy’n trefnu i ddarparu neu dderbyn lifft yn gyfrifol am ei dd/diogelwch ei hun, ond mae yna ganllawiau diogelwch syml y gall pawb eu dilyn os nad ydych yn adnabod y person rydych yn rhannu car gydag ef/hi:

peidiwch â chyfnewid cyfeiriadau cartref
trefnwch i gwrdd mewn man cyhoeddus neu leoliad arall y mae’n hawdd teithio oddi yno drwy ddulliau eraill pe bai’r lifft yn methu
dangoswch ddeunydd adnabod (ID) i’ch gilydd – trwydded yrru, pasbort – fel eich bod yn gwybod eich bod yn teithio gyda’r person iawn

Yn olaf, os bydd eich cynlluniau teithio’n newid, da chi, rhowch wybod i’r person sydd wedi cynnig lifft neu dderbyn lifft gyda chi rhag peri anghyfleustra iddo/iddi.

Mae mwy o wybodaeth ynglyn â rhannu ceir a ffyrdd eraill o gwtogi ar ddefnyddio ceir ar gael ar-lein ar www.carplus.org.uk.

Ni chaiff ddefnyddwyr y fforwm rhannu ceir:

gofnodi neu anfon deunydd sy’n enllibus, yn ddifenwol, yn anllad, yn dwyllodrus, yn gamarweiniol, yn niweidiol neu’n ddifrïol
ddefnyddio’r wefan hon i hysbysebu neu werthu nwyddau neu wasanaethau i eraill

Ceidw WHQ yr hawl i olygu neu ddileu unrhyw sylwadau amhriodol a ymddengys ar y wefan hon.